Aðalfundur Breiðfirðingafélagsins í Reykjavík var haldinn í Breiðfirðingabúð Faxafeni 14.  fimmtudaginn 26. febrúar 2009.

Formaður félagsins Snæbjörn Kristjánsson setti fundinn og bauð fundarmenn velkomna, en alls voru mættir 40 félagsmenn.   Þá minntist hann  félagsmanna sem látist höfðu frá síðasta aðalfundi, en þeir voru:

Regína Anna Hallgrímsdóttir

Ragnheiður Benediktsdóttir

Jakob Júlíusson

Olga Marta Hjartardóttir

Reynir Markússon

Jón Halldórsson

Guðlaugur Jónsson

og vottuðu  fundarmenn þeim virðingu sína með því að rísa úr sætum.

Gerði formaður það að tillögu sinni, að Haraldur Finnsson yrði fundarstjóri og Hinrik Hinriksson fundarritari og voru þeir samþykktir af fundarmönnum.

Tók nú fundarstjóri við stjórn og gerði grein fyrir dagskrá fundarins.

Inntaka nýrra félagsmanna:

Eftir taldir aðilar sóttu um inngöngu í félagið.

Elísabet Ásdís Ásgeirsdóttir          Írabakka 12.

Finnbogi Rúnar Andersen             Höðabraut 8

Kristjana Eygló Guðmundsdóttir  Nýbýlaveg 58.

Grétar Bernódusson                      Laugarnestanga 60

Kristín Una Sæmundsdóttir          Tjarnarbraut 16

Margrét Guðrúnardóttir                Kristnibraut 9

Voru þeir samþykktir af fundarmönnum.

Skýrslur stjórnar og deilda félagsins:

Snæbjörn Kristjánsson flutti skýrslu stjórnar og er hún birt í heild sinni á síðunni.

Gjaldkeri Hörður Rúnar Einarsson las upp reikninga félagsins.

Rekstrarafkoma var góð og eignastaða mjög góð.

Bridge deild:  Hörður Rúnar gerði grein fyrir starfsemi deildarinnar.

Spilað er á hverjum sunnudegi kl.  7  og hefur þátttaka verið mjög góð,

einkum eftir áramótin.

Minningarsjóður Breiðfirðinga.  Grétar Sæmundsson gerði grein fyrir sjóðnum.

Tekjur voru Kr. 27.000. auk vaxta  Kr. 80.721.

Eign um áramót var Kr. 661.035.. Styrkur að fjárhæð Kr. 50.000.

var veittur vegna minnisvarða um skáld í Saurbæ í Dölum

Breiðfirðingakórinn í Reykjavík

Þrúður Karlsdóttir formaður kórsins gerði grein fyrir starfseminni.

Kórfélagar eru um 50 og kórstjóri er Hrönn Helgadóttir. Æft er 1 sinni í viku að jafnaði.

Vortónleikar voru í Breiðholtskirkju 3. maí  þar sem flutt voru íslensk þjóðlög  og kirkjutónlist. Með það efni var farið í 10 daga  ferðalag til Austurríkis í byrjun júní og sungið meðal annars í Péturskirkjunni í Vín og við sumarhöllina í Vín, auk þess sem kórinn söng með kór Anton Steingrubber, sem tók á móti hópnum.

Jólatónleikar voru í Borgarneskirkju og Langholtskirkju, þar sem var húsfyllir.

Vortónleikar verða 25. apríl og er léttleikinn nú hafður í fyrirrúmi.

Umræður um skýrslur:

Guðbrandur Valdimarsson kvaddi sér hljóðs og gerði Breiðfirðingakórinn að umræðuefni. Kvað hann kórinn sér mjög hjartfólginn og  það þyrfti mikla ögun í svona félagsskap, eftir langan vinnudag. Hann sagði kórstjórann mjög góðan en kannski ekki nógu grimman. Hvatti hann alla til að styrkja kórinn í hvívetna, enda gæti aðeins góður kór fyllt Langholtskirkju.

Ábending kom úr sal um að nafnið endurskoðandi væri lögvarið.  Réttara væri að nota

skoðunarmenn reikninga í staðinn.

Voru nú skýrslurnar bornar undir atkvæði, og samþykktar samhljóða.

Lagabreytingar:

Tillögur um lagabreytingar

Stjórn Breiðfirðingafélagsins leggur til við aðalfund félagsins haldinn 26. febrúar 2009  eftirfarandi breytingar á lögum félagsins:

5.gr ( í núgildandi lögum)

Aðalfundur hefur æðsta vald í málum félagsins. Skal hann haldinn fyrir lok febrúar ár hvert.  Aðalfund skal boða með dagskrá, þar sem greint er frá þeim málum sem stjórnin hyggst leggja fram.

Á aðalfundi skulu eftirtalin mál tekin fyrir:

a) Skýrsla stjórnar um störf félagsins frá síðasta aðalfundi.

b)Lagðir fram til samþykktar endurskoðaðir reikningar félagsins fyrir næstliðið almanaksár.

c)Árgjald félagsins ákveðið fyrir yfirstandandi ár.

d)Aðalstjórn félagsins kosin, til eins árs, ásamt varamönnum.

e) Kosnir  tveir endurskoðendur, til eins árs, ásamt varamönnum,

f) Önnur mál samkvæmt dagskrá.

g) Önnur mál utan dagskrár eftir því sem fundarstjóri og fundurinn sjálfur heimila.

Allir félagar eru skyldir til að taka við kosningu í þágu félagsins. Þó geta þeir sem setið hafa í stjórn 3 ár samfleytt skorast undan endurkosningu.

Stjórnarkosning skal vera skrifleg.

Þessi grein hljóði svo eftir breytingu:

5.gr

Aðalfundur hefur æðsta vald í málum félagsins. Skal hann haldinn fyrir lok febrúar ár hvert.  Aðalfund skal boða með dagskrá, þar sem greint er frá þeim málum sem stjórnin hyggst leggja fram.

Á aðalfundi skulu eftirtalin mál tekin fyrir:

a) Skýrsla stjórnar um störf félagsins frá síðasta aðalfundi.

b) Lagðir fram til samþykktar endurskoðaðir reikningar félagsins fyrir næstliðið almanaksár.

c) Skýrslur deilda félagsins

d) Árgjald félagsins ákveðið fyrir yfirstandandi ár.

e) Aðalstjórn félagsins kosin, til eins árs, ásamt varamönnum.

f) Kosnir  tveir skoðunarmenn reikninga, til eins árs, ásamt varamönnum,

g) Önnur mál samkvæmt dagskrá.

h) Önnur mál utan dagskrár eftir því sem fundarstjóri og fundurinn sjálfur heimila.

Allir félagar eru skyldir til að taka við kosningu í þágu félagsins. Þó geta þeir sem setið hafa í stjórn 3 ár samfleytt skorast undan endurkosningu.

Stjórnarkosning skal vera skrifleg.

10. gr. ( í núverandi lögum)

Stjórn félagsins hefur æðsta vald í málefnum þess milli aðalfunda og sér um allar framkvæmdir  þess. Félagsdeildir, sem stofnaðar eru  á vegum félagsins, stjórna sjálfar eigin málum og bera ábyrgð á fjárreiðum sínum.

Þessi grein hljóði svo eftir breytingar;

10. gr.

Stjórn félagsins hefur æðsta vald í málefnum þess milli aðalfunda og sér um allar framkvæmdir  þess. Félagsdeildir, sem stofnaðar eru  á vegum félagsins, stjórna sjálfar eigin málum og bera ábyrgð á fjárreiðum sínum

Skemmtinefnd er skipuð af stjórn og starfar hún í umboði hennar.

Breytingar þessar samþykktar án mótatkvæða.

Árgjald félagsins vegna  2009

Fyrir fundinum lá tillaga stjórnar um óbreytt árgjald. Það er kr. 2.000.-,

En  kr. 1.000.- fyrir eldri borgara, þá sem eru 67 ára og eldri.

Tillagan samþykkt samhljóða.

Stjórnarkjör:

Kosning formanns:

Kosningu hlaut Snæbjörn Kristjánsson   38 atkvæði

Auðir seðlar                                               2  atkvæði

Meðstjórnendur:

Hörður Rúnar Einarsson                          38 atkvæði

Hrönn Harðardóttir                                   31 atkvæði

Inga Hansdóttir                                         30 atkvæði

Sigrún Birna Halldórsdóttir                      30 atkvæði

Bjarnheiður Magnúsdóttir                        29 atkvæði

Sigríður Karvelsdóttir                               27 atkvæði

Varamenn:

Alvilda Þóra Elísdóttir                              15 atkvæði

Sturlaugur Eyjólfsson                                14 atkvæði

Einar Pétursson                                          10 atkvæði

Skoðunarmenn reikninga:

Kjörnir voru   Benedikt Egilsson  og Úlfar Reynisson

Til vara Eggert Kristmundsson og Gísli Guðmundsson

Í stjórn minningarsjóðs Breiðfirðingafélagsins til eins árs:

Grétar Sæmundsson,  Birgir Kristjánsson og Björn Pálsson

Önnur mál:

Snæbjörn Kristjánsson þakkaði fundarmönnum auðsýnt traust og vonaðist eftir að geta starfað eins í framtíðinni, sem hingað til.

Guðbrandur Valdimarsson sagði að nauðsynlegt væri að halda til haga upplýsingum um starfshætti og siðvenjur frá fyrri tíð t.d. um líf í Breiðafjarðareyjum, sem væri alveg að glatast. Lagði hann til að haldin væri kvöldvaka  þar sem fólk segði frá hlutum í æsku og benti á Einar Pétursson sem heppilegan stjórnanda.

Einar Pétursson sagði að starfandi væri Breiðafjarðarnefnd, sem væri með fund í Stykkishólmi í apríl og og ættu þessi mál heima hjá henni.

Þá greindi hann frá því að Þjóðmynjasafnið væri að safna upplýsingum frá þeim sem sendir voru í sveit í æsku og hefðu oft séð hlutina með öðrum augum en heimamenn.

Haraldur Finnsson sagði að kreppa gæti verið lán í óláni. T. d hefði Breiðfirðingabúð verið keypt í kreppu, þegar við hefðum verið búnir að „byggja yfir okkur”, fyrir 20 árum.

Þá þakkaði hann félagi Breiðfirðskra kvenna fyrir veglegar veitingar og sleit fundi

Kl 10.15

Fundarritari                                                                      

Hinrik Hinriksson