Eldri fréttir Breiðfirðingafélagsins

Jólatrésskemmtun var haldin í Breiðfirðingabúð 30. des. Hilmar Sverrisson og Helga Möller sáu um söng og síðan mættu jólaveinar á svæðið. Að vanda var myndavélin með og teknar nokkrar myndir.

Breiðfirðingakórinn söng tvenna jólatónleika, í Dalabúð þann 16. desember og Grafarvogskirkju sunnudaginn 17. desember, sjá nánar á síðu kórsins.

Kórinn mun syngja tvenna jólatónleika, þá fyrri í Dalabúð í Búðardal þann 16. desember kl. 20.00 miðverð kr. 1.500.- frítt fyrir 12 ára og yngri.

Þar syngur hin frábæra söngkona Regína Ósk Óskarsdóttir einsöng með kórnum.

Miðaverð er kr. 2.000.-, en í forsölu hjá kórfélögum á kr. 1.500.- en frítt fyrir börn 12 ára og yngri.

Komið og upplifið frábæra jólastemmingu á glæsilegum hátíðartónleikum Breiðfirðingakórsins.

Aðventudagur fjölskyldunar var haldinn í dag 3. desember. Elstu menn telja að aldrei hafi eins margir sótt aðventuskemmtun félgsins eða um 220 manns. Það var ánægjulegt að sjá hversu margt ungt fólk mætti. Að sjálfsögðu var myndavélin með og voru teknar nokkrar myndir

Lesin verður jólasaga, Breiðfirðingakórinn syngur nokkur jólalög og síðan verður Bingó.

Laugardaginn 25. nóvember, kl. 21:00 sláum við upp bráðskemmtilegri söngveislu með 2 til 3 kórum ásamt einhverju öðru efni í léttum dúr. Síðan leikur hin fjallhressa hljómsveit Hafrót fyrir dansi.

Þann 12. nóvember, fór fram sveitakeppni í Bridge milli Bridgedeildar Breiðfirðingafélagsins og Sjálfsbjargar og voru 9 sveitir og var spilað á 18 borðum og voru spiluð 28 spil. Þetta er í þriðjaskiptið sem keppnin fer fram og hafa Breiðfirðingar alltaf farið með sigur af hólmi. Þetta er góð tilbreyting að hafa svona keppni í viðbót við æfingar og keppni innan Bridgedeildar Breiðfirðingafélagsins.

Í tilefni af afmæli félagsins ætlum við að vera með opið hús í línudansinum og á kóræfingunni. Við bjóðum alla velkomna að líta við, fá sér kaffisopa og kynna sér starfsemina.

Söngfélagið Vorboðinn heldur sína árlegu söngskemmtun og dansleik í Breiðfirðingabúð laugardaginn 4. nóv. nk. og hefst dagsskráin kl. 21.oo.

21.okt Vetrarfagnaður frá kl.22.oo til 03.oo. Danshljómsveitin Klassik (Haukur Ingibergsson úr Upplyftingu) leikur fyrir dansi.

Helstu viðburðir, haustið 2006.

Fréttabréf BREIÐFIRÐINGAFÉLAGSINS 4. tbl. sept 2006 12. árg. er komið út.

Félagsvist verður spiluð eftirtalda sunnudaga: Sjá nánar.

Afmælisvikan:

13.-19 nóv Afmælisvika félagsins verður auglýst nánar síðar

Aðventudagur:

3. des. Aðventudagur fjölskyldunnar hefst kl. 14.3o

Jólaball:

30. des. Jólatrésskemmtun fyrir alla fjölskyldunina kl. 14.3o

Dansleikir:

21.okt Vetrarfagnaður frá kl.22.oo til 03.oo. Danshljómsveitin Klassik (Haukur Ingibergsson úr Upplyftingu) leikur fyrir dansi.

20.jan Árshátið á Þorra. Takið kvöldið frá strax. Nánar auglýst eftir áramót.

3. mars Dansleikur og skemmtun Breiðfirðingakórsins

21. apríl Vorfagnaður frá kl.22.oo til 03.oo

Námskeið í línudönsum

Námskeið í línudönsum verður haldið í haust í Breiðfirðingbúð.

Kennt verður einn dag í viku og hefst námskeiðið fimmtudaginn 5. október kl.20.oo

Kennt verður 5, 9, 16,23,30, 9, 13,20,27,30

Námskeiði kostar 5.000.- á mann og kennarar verða Edda og Sólrún.

Skráning fer fram hjá Þresti Elíssyni í síma 561-1169 og 892-3068 og veitir hann frekari upplýsingar.

Bridge

Við Breiðfirðingar og fleiri ætlum að spila á sunnudögum í vetur eins og áður.Fyrsta spilakvöldið verður 24. september kl. 19.oo í Breiðfirðingabúð. Ekki þarf að skrá sig heldur einungis að mæta þegar ykkur langar til. Gott er að hafa makker með sér en þó er þaðekki skilyrði. Við ætlum að vera mjög umburðalynd og því er tækifæri fyrir þá sem óvanir eru að spila bridge að koma og æfa sig. Æfingagjaldið er kr. 500.- pr. kvöld og er kaffi innifalið í verðinu.

Sumarferð félagsins vorið 2006

Í ár höldum við norður yfir Holtavörðuheiði nánar til tekið að Reykjum í Hrútafirði. Öll aðstaða þ.e.a.s. aðgangur að matsal (ekki eldhúsi) innisalur með leiktækjum, Íþróttahús, sundlaug, heitir pottar, gufubað. Sjá nánar.

Skráning í ferðina er hjá Ingu Hansdóttur í síma 567-1563 og 893-3349 og Herði Einarssyni í síma 892-4511 og er um að gera að panta strax.

Stjórnin þarf að vita þátttöku fyrir Þriðjudaginn 20. júni vegna matarinnkaupa ofl.

Gróðursetning í Heiðmörk

Þriðjudaginn 6. júní mættu alls 21 í Heiðmörkina og unnu hörðum höndum við að snyrta, gróðursetja og setja kurl í stíga. Við þetta tækifæri voru teknar nokkrar myndir.

Fréttabréf BREIÐFIRÐINGAFÉLAGSINS 3. tbl. júní 2006 12. árg. er komið út. Sjá nýjasta bréfið.

Munið: Sumarferð félagsins að Reykjum í Hrútafirði helgina 23.- 25. júní n.k.

Gróðursetning í Heiðmörk

Gróðursetningarferð félagsins í Heiðmörk verður þriðjudaginn 6. júní kl:19:00. Í Heiðmörkinni ætlum við að grysja reitinn okkar og gróðursetja plöntur. Að lokinni vinnu er gott að setjast niður í reitinn okkar og spjalla yfir góðum kaffisopa þannig að endilega kippið með ykkur kaffi á brúsa. Öll garðverkfæri verða hins vegar til staðar.

Bent er á að myndir frá síðustu vorferð eru á heimasíðunni okkar.

Dagur aldraðra var haldinn sunnudaginn 7. maí 2006. Um 130 manns mætti á samkomuna. Að vanda svignuðu borð undan tertum og kræsingum sem konur í félagi Breiðfirskra kvenna sáu um ásamt stjórn félagsins, skemmtinefnd og nokkrum kórfélögum. Breiðfirðingakórinn söng nokkur lög úr dagskrá sinni frá tónleikum kórsins í Fella- og Hólakirkju 6. maí. Danshópurinn sporið sýndi dansa, sem æfðir voru í vetur. Að sjálfsögðu var myndavélin notuð við þetta tækifæri. Myndir.

Dagur aldraðra verður haldinn sunnudaginn 7. maí nk. kl. 14:30 og verður dagskráin þar líkt og fyrri ár með sýnishorni af vetrardagskrá Breiðfirðingakórsins og einnig fáum við líka að sjá sýnishorn af því sem kennt hefur verið á dansnámskeiðunum í vetur. Að sjálfsögðu er einnig boðið upp á kaffi og kökur og spjall.

Gæfan brosir við þér!

Vortónleikar Breiðfirðingakórsins verða í Fella- og Hólakirkju laugardaginn 6. maí kl. 17:00 og í Blönduóskirkju laugardaginn 13. maí kl. 17:00. Fjölbreytt, létt og skemmtileg dagskrá.

Stjórnandi kórsins er Hrönn Helgadóttir. Undirleikari er Arnhildur Valgarðsdóttir.

Miðaverð kr. 1500, en í forsölu hjá kórfélögum kr. 1200 til þriðjudags 2. maí.

Frítt fyrir 12 ára og yngri.

Í hléi verður boðið upp á kaffi og kleinur og gosdrykki fyrir þá sem vilja.

Þar sem dagskráin er mjög létt og skemmtileg með fjörlegum undirleik er fyllilega þess virði að mæta.

Breiðfirðingakórinn.

Vorfagnaður Breiðfirðingafélagsins verður laugardaginn 22. apríl fyrsta laugardag í sumri. Dansað verður frá 22-3.

Félagsvist. Síðasti spiladagur á þessum vetri var 26. mars. Guðmundur Á. Bjarnason var hæðstur eftir veturinn með 1798 slagi. Við það tækifæri voru teknar myndir.

Þann 21. mars 2006 lauk námskeiði í samkvæmisdönsum. Fjöldi þáttakenda var um 20 eins og á línudansnámskeiðinu. Stefnt er að halda samskonar námskeið í haust, ef þátttaka er næg. Við þetta tækifæri voru teknar nokkrar myndir.

Námskeiði í línudönsum lauk 20. mars 2006. Um 20 þáttakendur voru á námskeiðinu. Við þetta tækifæri voru teknar nokkrar myndir.

Aðalfundur Breiðfirðingafélagsins var haldinn í Breiðfirðingabúð fimmtudaginn 23. febrúar 2006. Fundurinn var óvenju fjölmennur, þar sem 67 félagsmenn mættu á hann enda stóð mikið til því meðal annars þurfti að kjósa nýjann formann þar sem Margrét Jóhannsdóttir er flutt heim í Búðardal. Hrönn Harðardóttir var kosinn formaður í hennar stað.

Hér sjáum við Hrönn ásamt fyrrverandi formönnum Breiðfirðingafélagsins sem mættir voru á fundinn. Sjá myndir sem teknar voru á fundinum. Fundargerð fundarins er að finna hér.

Fréttabréf BREIÐFIRÐINGAFÉLAGSINS 2. tbl. feb 2006 12. árg. er komið út. Sjá nýjasta bréfið.

Hin árlega skemmtun og dansleikur Breiðfirðingakórsins verður haldin laugardaginn 4. mars í Breiðfirðingabúð, sjá nánar.

Góugleði Breiðfirðingafélagsins verður laugardaginn 25. mars nk, sjá nánar.

Vorfagnaður Breiðfirðingafélagsins verður laugardaginn 22. apríl, sjá nánar.

Dagur aldraðra verður haldinn sunnudaginn 7. maí nk. kl. 14:30, sjá nánar.

Vorferðin í Heiðmörk verður þriðjudagskvöldið 6. júní kl 19.oo, sjá nánar.

Sumarferð að Reykjum í Hrútafirði. Helgina 23.- 25. júní, sjá nánar.

Árshátíð á þorra var haldin í Breiðfirðingabúð þann 21. janúar 2006. Uppselt var á hátíðina og komust færri að en vildu. Við þetta tækifæri voru teknar myndir, bæði af undirbúningi og síðan á hátíðinni sjáfri.

Árshátíð á þorra verður laugardaginn 21. janúar. Takið kvöldið frá strax. Veislustjóri verður Gísli Einarsson og hinir sprellfjörugu Miðaldamenn leika fyrir dansi.

Áhugasamir hafi samband við Hrönn Helgadóttur söngstjóra í síma 557-9996 eða 695-2703 en hún sér um raddprófanir fyrir alla þá er óska inngöngu í kórinn eða Birgi Kristjánsson formann s. 554-4459 / 894-0359.

Annan dag jóla, 26. desember, var jólatrésskemmtun Breiðfirðingafélagsins haldin í Breiðfirðingabúð. Við það tækifæri voru eftirfarandi myndir teknar.

Annan dag jóla, 26. desember, verður jólatrésskemmtun félagsins í Breiðfirðingabúð og hefst hún kl. 14:30.

Ásgeir Páll sér um ballið eins og í fyrra og boðið verður upp á kaffi og kökur. Jólasveinar eru einnig væntanlegir á ballið.

Breiðfirðingakórinn hélt jólatónleika í Fella- og Hólakirkju sunnudaginn 18. desember.

Breiðfirðingakórinn heldur jólatónleika í Fella- og Hólakirkju sunnudaginn 18. desember kl. 20:00.

Sunnudaginn 4. desember var hinn árlegi aðventudagur fjölskyldunnar í Breiðfirðingabúð. Samkoman hófst kl. 14:30 með ávarpi formanns. Við það tækifæri voru eftirfarandi myndir teknar.

Eggert Þór Bernharðsson sagnfræðingur hefur skrifað skemmtilegar greinar um átthagafélögin, sjá "Aðsent efni"

Hagyrðingakvöldið var haldið á afmælisdegi félagsins og við það tækifæri voru teknar nokkrar myndir, sjá nánar

Í ár bætast ný andlit í hóp hagyrðinganna en eins og ávallt verður um vaska sveit að ræða.

Fréttabréf BREIÐFIRÐINGAFÉLAGSINS 6. tbl. nóv 2005 11. árg. er komið út. Sjá nýjasta bréfið.

Fréttabréf BREIÐFIRÐINGAFÉLAGSINS 5. tbl. sept 2005 11. árg. er komið út.

Fréttabréf BREIÐFIRÐINGAFÉLAGSINS 4. tbl. júní 2005 11. árg. er komið út.

Fréttabréf BREIÐFIRÐINGAFÉLAGSINS 3. tbl. apríl 2005 11. árg. er komið út.