trippel c s piller http://norgepiller.com/kjop-cialis/ hvor lenge du vil beholde medisinske poster

Fréttir frá Breiðfirðingafélaginu

 Fréttabréf BREIÐFIRÐINGAFÉLAGSINS   5. tbl. sept. 2015 21. árg. er komið út.

 

Fréttabréf   

BREIÐFIRÐINGAFÉLAGSINS

Faxafen 14. 108 Reykjavík S: 581-4511

5. tbl. sept. 2015 21. árgangur

Ábyrgðarmaður Snæbjörn Kristjánsson

 

Kæru félagsmenn

Nú eru haustlitir farnir að sjást á trjánum og blöðin farin að fölna, þá færist líf í starfsemi félagsins eftir sumarfrí. Félagsstarfinu lauk formlega í maí en 1. júní var farið í Heiðmörkina og gróðusettar plöntur og kurl sett í gangstíga. Staurar fyrir merki reitsins voru endurnýjaðir. Sumarferð Breiðfirðingafélagsins 2015 var farin að Árbliki dagana 26. - 28. júní. Flestir mættu á  föstudeginum og var komið saman í húsinu um kvöldið. Þar var mikið spjallað. Á laugardeginum var ekið um Þröskulda til Hólmavíkur og mannlífið skoðað en margir héldu kyrru fyrir í Árbliki og nutu veðurblíðunnar. Eftir ferðina var spilað bingó. Síðan var grillað að vanda og tókst það mjög vel. Um kvöldið spiluðu Halldór Þórðarson, Jóhann Elísson og Bjarni Karvelsson á harmonikkur, Auður Baldursdóttir á gítar. Sigrún  Halldórsdóttir og Guðmundur Theodórs sungu með. Óvenju mikið var af ungu fólki og börnum í sumarferðinni, sem er mjög ánægjulegt.Vetrardagskráin hefst síðan 20. september en þá hefst Bridge, síðan félagsvist þann 27. september og prjónakaffið 28. sept. Þann 24. október verður dansleikur í Breiðfirðingabúð, sem er í samstarfi við Strandamenn. Nánari upplýsingar um dagskrána á næstu blaðsíðum og einnig á www.bf.is. Heimasíða félagsins var óvirk í nokkra daga vegna tæknilegra vandamála hjá Símanum, sem hýsir síðuna og er beðist velvirðingar á þessu.

Kær kveðja

Snæbjörn Kristjánsson, formaður

 

Félagsvist verður spiluð eftirtalda sunnudaga:

27. sept.    Félagsvist stakur dagur

  4. okt.  1. dagur í fjögurra daga keppni

11. okt.  2. dagur í fjögurra daga keppni

18. okt.  3. dagur í fjögurra daga keppni 

25. okt.  4. dagur í fjögurra daga keppni 

  1. nóv. Félagsvist stakur dagur

  8. nóv. 1. dagur í fjögurra daga keppni

15. nóv. 2. dagur í fjögurra daga keppni

22. nóv. 3. dagur í fjögurra daga keppni

29. nóv. 4. dagur í fjögurra daga keppni

Spilin hefjast alla dagana stundvíslega kl. 14:00

Fyrstu verðlaun kvenna og karla verða kr. 4.000,- og önnur verðlaun kr. 2.500,- auk þess fær sá sem oftast situr við sama borð svolitlar sárabætur.

Í fjögurra daga keppni eru spilaðir fjórir dagar, en þrír bestu gilda við útreikning stiga. Veitt eru heildarverðlaun að verðmæti kr. 10.000,- fyrir fyrsta sætið og kr. 5.000 fyrir annað sætið.

Sá sem verður hæstur eftir veturinn í heild mun fá sérstakan glaðning, eins konar heiðursverðlaun í vor.

Góðar kaffiveitingar eru eftir spilin. Miðaverð er kr. 1200,-.

 

Dansleikur: Breiðfirðingafélagið og  Strandamenn halda sameiginlegan dansleik í Breiðfirðingabúð, laugardaginn 24. október frá kl. 22:00 - 02:00. Húsið opnar 20:30 og verður myndasýning fyrir dansleikinn. Grétar Örvarsson leikur fyrir dansi. Allir velkomnir.

Afmælisvikan: 16. – 23. nóv. Afmælisvika félagsins verður auglýst síðar.

Aðventudagur: 6. des. Aðventudagur fjölskyldunnar hefst kl. 14:30.

Jólaball: 27. des. Jólatrésskemmtun fyrir alla fjölskylduna kl. 14:30.

Helstu atriði dagskrár eftir áramót:

23. jan.      Árshátíð á Þorra. Takið kvöldið frá strax.

12. mars.   Páskabingó, kl 14:30

  8. maí.     Dagur aldraðra, kl 14:30

  1. júní.     Gróðursetningarferð í Heiðmörk.

24. til 26. júní.  Sumarferð félagsins.

Breiðfirðingafélagið Bridgedeild

Kæru spilafélagar.

Nú er vetrarstarfið að hefjast og verður spilað á sunnudögum kl. 19:00. Fyrsta spilakvöldið verður sunnudagskvöldið 20. september og hefst kl. 19:00.  Þetta fyrsta kvöld verður tvímenningur. Sjá dagskrá hér fyrir neðan.   Spilakvöldið  kostar  kr. 1000 og er kaffi og te innifalið.  Síðasti spiladagur fyrir jól verður 6. desember.  Vonumst til að sjá sem flesta. Hvetjum félaga okkar til að taka með sér nýja spilamenn.  Hjá okkur er upplagt að byrja að æfa sig að spila Bridge. Allir velkomnir.

Kveðja

Stjórn Bridgedeildar Breiðfirðingafélagsins

Spilakvöldin fram að jólum:

20. Sept.  Tvímenningur

27. Sept.  Tvímenningur keppni 1 af 4

04. Okt. Tvímenningur keppni 2 af 4

11. Okt. Tvímenningur keppni 3 af 4

18. Okt. Tvímenningur keppni 4 af 4

25. Okt. Tvímenningur

01. Nóv. Tvímenningur

08. Nóv. Tvímenningur keppni 1 af 4

15. Nóv. Tvímenningur keppni 2 af 4

22. Nóv. Tvímenningur keppni 3 af 4

29. Des. Tvímenningur keppni 4 af 4

06. Des. Tvímenningur

Í 4 kvölda tvímenningi eru tekin 3 bestu skiptin og eru verðlaunapeningar fyrir 3 efstu sætin.

Prjónakaffi í Breiðfirðingabúð

Fram til áramóta verður prjónakaffið annan hvern mánudag, kl. 19:30 og byrjað verður 28. sept. og síðan dagana 12. okt., 26. okt., 9. nóv. og 23. nóv. Upplýsingar gefa Erla í síma 898-6747, Sæunn í síma 864-2201 og Jófríður í síma 862-6414.

Takið með ykkur handavinnuna og/eða sjáið hvað verið er að gera. Kaffi og gos verður til sölu.

Breiðfirðingakórinn 

Þá er sumarið senn að baki og haustið að koma með allri sinni litadýrð.  Eftir leik og hvíld sumarsins er komið að hefðbundnum vetrarstörfum og ekki laust við smá tilhlökkun komi yfir mann að hitta aftur kórfélagana  og heyra um ævintýri sumarsins.  Kórinn hóf æfingar 16. september þar sem farið var yfir lög vetrarins og raddböndin vakin úr sumardvala.  Að venju æfir kórinn á miðvikudagskvöldum kl. 19:30 í Breiðfirðingabúð og verður vetrarstarfið með hefðbundnum hætti en auk jóla- og vortónleika þá syngjum við á aðventudegi fjölskyldunnar  í desember og degi aldraðar í maí.  Að öðru leyti er vetrardagskráin óðum að taka á sig mynd og vonandi leynist eitthvað spennandi á bak við hornið.   Enn sem fyrr getum við bætt við okkur söngröddum, körlum sem konum, og hvet ég áhugasama um að hafa samband.  Í kórnum ríkir mikil sönggleði og er góður félagsandi ríkjandi.  Ég get því lofað skemmtilegum kvöldum í góðum félagsskap.  Eftirfarandi erindi úr ljóði eftir Hallgrím frá Ljárskógum, eins Dalaskáldsins okkar lýsir æfingakvöldunum vel:

Þetta kvöld á okkar kæti,

Okkar kvöld , með gleðilæti,

Með sól í hverju sæti

Og söng og töframál.

Áhugasamir geta haft samband við formann kórsins,  Halldóru í síma 895-6607 eða kórstjórann hann Julian í síma 699-1967.   Ég veit að komandi vetur á eftir að verða skemmtilegur og vona að einhverjir hoppi á vagnin hjá okkur skemmti sér með.

 

 

 

Additional information