Fréttir frá Breiðfirðingafélaginu
Haustferð Breiðfirðingafélagsins 2022
Laugardaginn 24. september n.k. verður farið í rútuferð Gullna hringinn, á Þingvelli og um uppsveitir Árnessýslu, undir leiðsögn Guðmundar Birkis Þorkelssonar og Ingibjargar S. Guðmundsdóttur.
Lagt er af stað frá Breiðfirðingabúð, Faxafeni 14, kl.9:30.
Ferðin kostar 7.000 kr og er matarmikil fiskisúpa í Lindinni á Laugarvatni í hádeginu innifalin ásamt farinu með rútunni. Að öðru leyti nestar fólk sig sjálft.
Fjöldi þátttakenda í ferðinni takmarkast við rútustærð – allt að 60 manns.
Skráning er því nauðsynleg og fer fram hjá Ingibjörgu í síma 892 8077 fyrir föstudag 23. sept. Greiða þarf fyrir ferðina í Breiðfirðingabúð við brottför. Mætið helst um kl. 9 svo ekki verði tafir á brottför.
Fyrstur kemur fyrstur fær.
Skráð 19.9.2022
____________________________________________________________________________
Prjónakaffi haustið 2022
Prjónakaffi Breiðfirðingafélagsins byrjar 3. október n.k.og verður annan hvern mánudag eftir það frá kl. 19.30 til kl. 22.00 Við munum vera með einhverjar kynningar á hverju kvöldi. Það verður boðið upp á kaffi og með því, einnig fylgir happdrættismiði með og kostar kr. 1.000 Prjónakaffið verður 3. október, 17. október, 31. október, 14. nóvember, 28. nóvember og 12. desember.
Verið öll hjartanlega velkomin.
Skráð 9,9,2022
_______________________________________________________________________
BREIÐFIRÐINGUR, 70. ÁRGANGUR
Tímaritið Breiðfirðingur, 70. árgangur, 2022 kom út um miðjan maí mánuð. Fyrsta hefti ritsins kom út vorið 1942 svo þetta rit er jafnframt 80 ára afmælisútgáfa.